编曲 : AbduwaliTohti/Carry
作词 : Anwar Maglik
作曲 : Anwar Maglik/Carry
ئەر خەق
‎سۆزى، مۇزىكىسى: ئەنۋەر مەڭلىك
‎ئاكورتلاشتۇرغۇچى: ئابدۇۋېلى توختى
‎توي قىلغۇچە ۋاي جېنىم دەپ،
‎ئېلىۋالىدۇ ئەر خەق.
‎نەدە ئۇنداق دېدىم مەن دەپ،
‎يېنىۋالىدۇ ئەر خەق.
‎سەندىن باشقا يارىم يوق،
‎سىرت بىلە كارىم يوق دەپ.
‎ئۇنداق ئىش يوق خوتۇن، ياق دەپ،
‎تېنىۋالىدۇ ئەر خەق.
‎خوتۇن خەق ئۆچكە يېغى دەپ،
‎ۋاي دېسەك ئېرىيدۇ دەپ.
‎ماقۇل دەپ يۈرۈيدۇ دەپ،
‎كۆنىۋالىدۇ ئەر خەق.
‎بىز دېگەننى قىلىپ بېرىپ.
‎زىبۇ-زىننەت ئېلىپ بېرىپ.
‎راست خوتۇن ھە دەپ بېرىپ،
‎سۆيىۋالىدۇ ئەر خەق.
‎بىردە ئاچچىق، بىردە تاتلىق،
‎بولۇۋالىدۇ ئەر خەق.
‎ئاق خوتۇن، ئاپئاق خوتۇن دەپ،
‎قويۇۋالىدۇ ئەر خەق.
‎سىز دېگەن دانا خوتۇن دەپ،
‎گۈل بېغىم رەنا خوتۇن دەپ.
‎ھە ماقۇل، مانا خوتۇن دەپ،
‎يۈدىۋالىدۇ ئەر خەق.
‎ئوينىساق كۆرمەيدۇ دەپ،
‎ھېچنېمە بىلمەيدۇ دەپ.
‎ئۆزىچە بىر خام ئەيلەپ،
‎تۇتۇلۇپ قالىدۇ ئەر خەق.
‎بىز يوق يەردە پو ئېتىپ،
‎بىزنى كۆرسە داڭ قېتىپ.
‎گەپلىرى پىستان چېقىپ،
‎چېنىپ قالىدۇ ئەر خەق.
‎ئوينىغاننىڭ دەردىنى،
‎تاتىپ كېلىدۇ ئەر خەق.
‎ئاخىرى پۇشايمان يەپ،
‎قايتىپ كېلىدۇ ئەر خەق.
‎خاپا بولماڭلار خوتۇن دەپ،
‎يېنىپ كېلىدۇ ئەر خەق.